Jeugdplekkers/Maerumse maedjes

In 2006 is ut idee ontstange om binne de Plekkers ein jeugdtak te beginne. Dit werd neet door eiderein positief ontvange. Want waat motte kinger bie ein vastelaoves vereniging. In 2018 is door ein meerderheid beslaote om toch te beginne mit de jeugdplekkers.

Als snel waor der ein gruupke jeugd van 7 jonges en maedjes die de eerste raod vormde. In 2009 werd de eerste prins oetgeraope. Prins Jule 1. De jeugdplekkers waore toen ein feit.

Vanaaf 2010 hubbe veer aug ozze eige receptie.

Boete ut oetraope en de receptie ginge de jeugdplekkers aug angere dinge organisere, zoals ut HVK ( Hertes vastelaoves konkoer) en de kinger optoch.

In 2017 waore 4 maedjes die tiedes ut HVK eins joon denske dede. Dit veel zo in de smaak, dat dees maedjes, same mit enthousiaste aajers ein heuze dansgarde hubbe opgerich. Dit zeen noe de Maerumse maedjes.

Vanaaf 2018 zeen zie noe aug ein vaste waarde binne de jeugdtak van de Plekkers.

Ongertusse hubbe veer ein groep van ongeveer 22 jeugdlede tusse de 7 en 14 jaor.

Bie de jeugdplekkers/maerumse maedjes zeen de vastelaoves activiteite in de eige gemeinsjap ut belngriekste.

Mer ut allerbelangriekste vinge veer det de jeugd op ein leuke manier vastelaovund viere. Ver wille de jeugd de sjoonste tied van ut jaor, op de beste manier laote belaeve.